सोलुखुम्बुः माप्य दुधकोशी गाउँपालिकामा सञ्चालित निशुल्क स्वास्थ्य शिविर सम्पन्न भएको छ । ब्राइट भिजन फाउन्डेसनको आयोजना सोलुखुम्बु आँखा उपचार केन्द्र र जिल्ला अस्पताल फाप्लुको समन्वय तथा गाउँपालिकाको सहकार्यमा सञ्चालित दुई दिने निशुल्क स्वास्थ्य शिविर आज सम्पन्न भएको हो ।

शिविरमा आँखा जाँचका साथै स्त्रीरोग सम्बन्धी जम्मा ९८७ जनालाई निशुल्क सेवा प्रदान गरिएको थियो । जसमा ५०२ जनाको आँखा जाँच गरिएको छ भने स्त्रीरोग सम्बन्धी ४८५ जनाले सेवा लिएको सहकर्मी सरमिला पुरीले जानकारी दिनुभयो ।