सोलुखुम्बुः सोलुखुम्बुको महाकुलुङ गाउँपालिकाको ३ र ४ हुँदै बहने हुँगा खोलामा निर्माणाधिन २२ मे. क्षेमताको ‘मिड हुँगा खोला ए’ को काम लागी राखिएको बेलिब्रिज र हाईड्रोसामाग्री बगाएको छ । आज सोमबार विहान एक्कारी वर्षासँगै आएको बाढीले उक्त क्षति पुरयाएको हो ।
एपेक्स मकालु हाईड्रोपावर कम्पनिले निर्माणका लागि खोलामा बनाउदै गरेको  बेलिब्रिजको वारी पारी दुबै तर्फको बेस बगाएको जिल्ला प्रहरी कार्यायल सोलुखुम्बुका सुचना अधिकारी प्रहरी निरीक्षक विकास राईले जानकारी दिनुभयो ।
 निरीक्षक राईका अनुसार खोला छेउमा राखीएको निर्माण सामाग्री रेडिउसर पाइप थान–२, एम एस पाईप थान–५, सुरुङ भित्र ड्रील गर्ने बुमर मेसिन थान–१ र सुरुङ भित्र ओछ्याउने करिब ५०० मिटर अर्थिङ प्लेट बगाएको छ । उक्त घटनामा मानवीय क्षति भने नभएको बुझिएको छ।