सोलुखुम्बु :  सोलुखुम्बुका प्रदेश सांसद उत्तम कुमार बस्नेत राज्यमन्त्रीमा नियुक्त हुनुभएको छ । आज  प्रदेश १ का मुख्यमन्त्री भीम आचार्यले सांसद बस्नेतलाई  उद्योग पर्यटन वन तथा वातावरण राज्यमन्त्रीमा नियुक्त गर्नुभएको हो । उहाँ योङ्ग स्टार क्लबको सस्थापक अध्यक्ष समेत हुनुहुन्छ ।  
सोलु एफ.एमसँग कुराकानी गदै नवनियुक्त राज्यमन्त्री बस्नेतले सोलुखुम्बुको पर्यटनको क्षेत्रमा नागरिकले महसुस गर्ने गरि काम हुने बताउँनुभयो । कोरोनाले थलिएको पर्यटन क्षेत्रलाई माथी उकास्नका लागी प्रदेश सरकारको ध्यान केन्द्रित भएकाले सोही अनुसार कार्यक्रम सञ्चालन गर्ने भन्दै नवनियुक्त राज्यमन्त्री बस्नेतले रोजगारी सृर्जना हुने खालका कार्यक्रमले प्राथामिकता पाउने बताउँनुभयो । 
कसले कुन मन्त्रालय पाए ? 
यस्तै संखुवासभाका तुलसीप्रसाद न्यौपाने आर्थिक मामिला तथा योजनामन्त्री र झापाका हिराकुमार थापा भूमि व्यवस्था तथा योजनामन्त्रीमा नियुक्त हुनुभएको छ । मोरङका ज्ञानेश्वर राजवंशी भूमि व्यवस्था कृषि तथा सहकारी राज्यमन्त्री र लीलाबल्लभ अधिकारी आन्तरिक मामिला तथा कानुन राज्यमन्त्रीमा नियुक्त हुनुभएको हो ।  नवनियुक्त मन्त्रीहरूले शपगग्रहण समेत गरिसकेका छन्