सोलुखुम्बु :  जिल्लाको थुलुङ दुधकोशी गाउँपालिकाले बिपद प्रतिकार्य योजना तयार गरेको छ । बिभिन्न संघसस्था, बिपदको क्षेत्रमा  काम गर्ने परियोजना,  प्रहरी, प्रशासन, पत्रकार महासंघ, गैरसरकारी सस्था सरोकारवाला सहितको बैठकले बिपद प्रतिकार्य योजना २०७८ तयार पारेको हो ।
 गाउँपालिका अध्यक्ष असिम राईको अध्यक्षतामा बसेको बैठकले वडा नम्बर १ को रुकुरा, वडा नम्बर ७ को लुरुवा, वडा नम्बर ८ को किलिम्ती, वडा नम्बर ९ को लिखेप सहित १२ वटा जोखिमयुक्त क्षेत्रको पहिचान  गरेको छ । यस्तै गाउँपालिकाले हरेक वडा अध्यक्षलाई बिपद ब्यवस्थापनमा  बिभिन्न संघसस्था परियोजनाहरुसँग समन्वय सहकार्य गर्ने जिम्मेवारी प्रदान गरेको  छ ।

बाढी पहिरो लगायतको बिपदका लागी आबश्यक सामाग्री त्रिपाल, लत्ताकपडा, साबेल, कोदालो लगायतका सामाग्री खरिद गरि तयारी अबस्थामा राख्ने गाउँपालिका अध्यक्ष असिम राईले बताउँनुभयो ।  बिपदका कारण बिस्थापित भएकाहरुलाई प्रत्येक वडाले निमार्ण गरेको क्यारेन्टिन स्थलमा  राख्ने निर्णय भएको  छ ।